Џорџ Расел верува дека Мерцедес ќе најде решение за проблемите со кои се мачи на почетокот на сезоната. Британецот дополнил дека сепак ќе биде потребно малку време тимот повторно да биде конкурентен.
Возачите на Мерцедес, првата трка во сезоната ја завршија на третото (Хамилтон) и четвртото место (Расел).
„Добро ја започнавме сезоната, но свесни сме дека имаме проблеми“, рекол Расел.
„Во Бахреин имавме тежок викенд, на крајот сепак забележавме добри резултати. Знаеме дека пред нас има многу работа. Не знам дали наскоро ќе ги решиме проблемите, дали наскоро ќе ја пронајдеме вистинската „сребрена стрела“. Ќе треба неколку трки да поминат за да го најдеме вистинското темпо“.
Втората трка во сезоната ќе се вози на 25.март во Џеда.
> Расел: Потребно е малку време да го најдеме вистинското темпо <
