Кошаркарите на Голден стејт Вориорс со победа во Бруклин ја започнаа турнејата по Источната конференција. Вориорс, на теренот на еден од најдобрите тимови во НБА славеа со 117:99. Изминатата ноќ победи забележаа Јута Џез и ЛА Клиперс.
Бруклин, немаа одговор за Стеф Кари. Бекот на Вориорс, за 29 минути на теренот, постигна 37 поени, на кои придодаде седум скока и пет асистенции. Двоцифрен ефект имаа уште Ендрју Вигинс (19 поени), Џордан Пул (17) и Дрејмонд Грин (11 поени, 6 скока, 8 асистенции).
Најефикасни во редовите на Бруклин беа Џејмс Харден со 24 и Кевин Дурент со 19 поени.
Ворирос се лидери во лигата со 12 победи и два порази, Бруклин имаат 10 победи и пет порази.
Јута ја декласира Филалделфија 120:85. Без Џоел Ембид, Филаделфија ја продолжи серијата порази. Бојан Богдановиќ ја предводеше Јута со 27 поени, Џордан Кларксон постигна 20, а Риди Гобер забележа 15 поени и 17 скока.
Јута е на скор 9/5, Филаделфија има 8/7.
Клипеси против Сан Антонио ја забележаа шестата победа во низа. Предводени од Пол Џорџ (34 поени), Клиперси славеа со 106:92.
> Рапсодија на Кари во Бруклин <
