Рускиот претседател Владимир Путин изјави дека треба да се заостри критериумот за цивилно поседување оружје.
Тој изрази уверување дека Истражниот комитет ќе ги утврди сите околности на трагедијата во училиштето во Казан, кога за време на пукањето загинаа девет луѓе, а 23 беа повредени.
„ Во исто време, верувам дека за да се спречат ваквите злосторства, потребно е значително заострување на условите под кои граѓаните можат да поседуваат оружје и да ја зајакнат контролата над огненото оружје што го поседуваат цивилите“, рече Путин.
Според него, сите службени лица кои издаваат дозволи за поседување оружје и ги обезбедуваат потребните документи на сопствениците на оружје, треба да имаат лична одговорност, пренесува ТАС С.
„ Мораме да ги елиминираме ситуациите кога луѓето, на пример, можат да купат медицински сертификати, понекогаш дури и без преглед“, рече Путин.
