Рускиот претседател Владимир Путин му го честиташе 91 роденден на последниот претседател на СССР Михаил Горбачов, соопшти денеска Кремљ.
„ Живеевте долг и исполнет живот, поради што со право сте заслужиле голем престиж и признание. Задоволство е да се види вашата работа како придонесува за реализација на неопходните социјални, образовни, хуманитарни проекти и развој на меѓународната хуманитарна соработка” се вели во честитката на Путин, објавена на сајтот на Кремљ.
Рускиот претседател на Горбачов му посака здравје, сила и се најдобро. Горбачов ја доби Нобеловата награда за мир во 1990 година.
