Претседателите на Белорусија, Александар Лукашенко и на Русија, Владимир Путин, разговараа за билатерални и глобални прашања за време на телефонскиот разговор, пренесува ТАСС повикувајќи се на белоруската државна агенција БелТа.
Лукашенко и Путин размениле мислења за глобални теми, за ситуацијата во двете земји, пандемијата на коронавирусот и сумирале заеднички активности.
Двајцата претседатели разговараа и за тензиите во Нагорно Карабах.
тие изразија загриженост за зголемувањето на случаите на коронавирус.
Покрај тоа, беа дискутирани начините за целосно обновување на сообраќајните врски меѓу двете земји.
