Индија забележа 44.059 нови случаи на инфекција со коронавирус, со што досега во земјата се заразени вкупно 9,14 милиони луѓе, според последните податоци на Министерството за здравство.
Индија е на второ место во светот по бројот на инфекции со Ковид-19, по САД, иако дневната стапка на раст на Индија опадна откако го достигна врвот во септември.
Според последните податоци на Ројтерс, дневниот број на нови случаи повеќе од две недели е скоро 50 илјади. Бројот на смртни случаи од Ковид-19 се зголеми за 511, според Министерството за здравство, со што вкупната бројка на смртни случаи од коронавирус во земјата е 133.738.
