Украинското воено разузнавање тврди дека фабрика во руската област Чељабинск, која произведува и поправа руски тенкови, престанала да работи поради недостиг на увезени делови.
Во објава на „Фејсбук“, Генералштабот на вооружените сили на Украина посочи дека производителот „Уралвагонзавод“ мора да го прекине производството во фабриката поради, како што се вели, недостиг на компоненти произведени надвор од Русија.
Украинската воена разузнавачка компанија „Дифенс експрес“ објави дека „Уралвагонзавод“ ја поседува единствената фабрика во која се склопуваат руски тенкови. Тие додаваат дека производителот генерално користи делови произведени на Запад.
Во руските медиуми нема информации за прекин на работата на фабриката, а западните медиуми и натаму немаат независна потврда за оваа информација.
