Една од најпопуларни социјални мрежи, Инстаграм слави 10 години постоење откако за првпат се појави на Ејпл маркетот на 6 октомври во 2010 година.
„Како што еволуираше Инстаграм, покажавте дека постојат бесконечни можности како да се сподели светот околу нас. Вашата креативност, љубопитност и хумор нè туркаат напред, создавајќи ја иднината. Ајде да продолжиме!“, велат од Инстаграм.
По повод роденденот, од Инстаграм најавија дека во текот на месецов ќе може да се промени класичната икона на самата апликација во стариот облик на фотоапаратите Полароид, со тематски варијации на актуелното лого, како и со боите на виножитото или пак, монохроматски опции.
— Instagram (@instagram) October 6, 2020
Со ажурирање на апликацијата достапна е уште една нова карактеристика, а тоа е приватна мапа и архива на приказните што корисниците ги имаат објавено во изминатите три години.
Инаку, првата објавена фотографија на Инстаграм е на еден од основачите кој ја наслови како „тест“. Оттогаш па досега Инстаграм претрпе многу промени со што самата апликација станува се поактуелна.
View this post on Instagramtest
