Од денес почнува јубилејното 20-то издание на фестивалот на европски филм „Синедејс“ и ќе трае до 21 јули.
Фестивалот ќе биде отворен во 21часот во Градски парк со филмот „Анет“ во режија на Леос Каракс.
Во 23 и 30 часот во рамки на cinEmusic програмата во паркот кај МКЦ концерт ќе има групата „Бела техника“, основана во 2016 година од двајца членови на култниот белградски бенд „Дарквуд Даб“: гитаристот Бојан Дробац – Бамби и басистот Милорад Ристиќ – Мики. На двајцата им се приклучува и оперската пејачка Катарина Јовановиќ.
Билетите за 20. „Синедејс“ чинат 100 денари, за сите концерти и филмови, освен за филмовите од POP-UP кино, кои се бесплатни.
Со секој купен билет за филм, има и пропусница за cinEmusic програмата предвидена за тој ден.
Текстот Почнува фестивалот на европски филм „Синедејс“ е превземен од МАКФАКС.
