Утрински Весник
Македонија

Почнува вакцинација со четврта доза против Ковид-19

Комисијата за заразни болести на денешниот состанок ги разгледа заклучоците од Националната комисија за имунизација, во врска со почеток на вакцинација со четврта доза на вакцина против КОВИД-19.

dobivaj vesti na viber

Четврта доза може да примат лицата над 18 годишна возраст, кои примиле три дози вакцина против Ковид-19. Граѓаните од денес можат да се обратат во вакциналните пунктови, за што не е потребно закажување.

Вакцинацијата со четврта доза е предвидено да се спроведува со мРНА вакцина на Фајзер или Модерна. Препорачаното растојание меѓу трета и четврта, односно бустер доза е најмалку четири месеци.

Вакцинацијата со четврта доза посебно се препорачува кај хронично болни, пациенти на дијализа, трансплантирани, онколошки пациенти, имунокомпромитирани и пациенти кои примаат имуносупресивна и имуномодулаторна терапија за која било индикација и кај лица над 60 години.

Можете да прочитате

Затворен за сообраќај експресниот пат Прилеп-Градско

УЈП: Затворени четири субјекти, 30 отсто од контролираните се со неправилности за фискализација

Министерство за финансии како штаб на ВМРО-ДПМНЕ, Димитриеска-Кочоска прими и промовира кандидат за градоначалник во кабинетот