Поранешниот боливиски претседател Ево Моралес е позитивен на коронавирусот, соопшти неговиот кабинет.
Во соопштението се вели дека тој е стабилен и дека прима терапија со цел да се справи со симптомите, но не е наведено за кои симптоми станува збор, пренесува „Би-би-си“.
Моралес (61) се врати во Боливија од егзил во ноември откако еден од неговите сојузници Луис Арке беше избран за претседател.
Моралес, кој е лидер на владејачката партија Движење кон социјализам, по неговото враќање учествуваше на бројни собири со приврзаници и членови на партијата пред локалните избори што ќе се одржат во март.
