Првиот официјален директен лет меѓу Израел и Судан, кои немаат дипломатски односи, го изведе авионот што го носеше американскиот државен секретар Мајк Помпео, кој одлета за Картум од Тел Авив пренесува „Анадолија“.
„Задоволство ми е да ви соопштиме дека сме на ПРВИОТ официјален НОНСТОП лет од Израел кон Судан!“ напиша Помпео Твитер.
Според „Њујорк Тајмс“, до директен лет помеѓу аеродромот „Бен Гурион“ во Тел Авив и Картум дошло откако авионот на Помпео добил специјална дозвола.
Happy to announce that we are on the FIRST official NONSTOP flight from Israel to Sudan! pic.twitter.com/eOXNsBAozC
— Secretary Pompeo (@SecPompeo) August 25, 2020
Во изјавата, портпаролот на американскиот Стејт департмент, Морган Ортагус, рече дека Помпео ќе разговара со суданскиот премиер Абдула Хамдок и со претседателот на Преодниот воен совет Абдел-Фатах ал-Бурхан за продолжување со поддршката на САД за транзициската влада предводена од цивили и зајакнување на односите меѓу Судан и Израел .
Great to be in Khartoum for meetings with the civilian-led transitional government. The democratic transition underway is a once in a generation opportunity for the people of Sudan. Looking forward to discussing how to deepen the U.S.-Sudan relationship. pic.twitter.com/krfKxt3tyS
— Secretary Pompeo (@SecPompeo) August 25, 2020
Според официјалната суданска новинска агенција СУНА, на агендата на Помпео за време на посетата ќе биде нормализацијата на односите меѓу Судан и Израел. Судан нема дипломатски односи со Израел.
Минатиот март Судан дозволи израелските авиони да летаат над неговиот воздушен простор, но не дозволија авионите што доаѓаат од Израел да слетаат на негова територија.
