Кина мора целосно да ја укине својата политика за контрола на раѓањето деца со цел да ја зголеми својата работна сила во следните децении.
Ова е потребно со цел да се остане економски конкурентен во однос на земјите како што се САД, според новиот извештај на Централната банка на Кина.
Националната банка на Кина (ПБЦ) објави извештај според кој земјата не само што треба да ја укине политиката за планирање на семејството, туку и да ги охрабри паровите да имаат повеќе деца, со цел да се справат со растечкиот проблем на стареење на населението, според Глобал тајмс.РТС.
Извештајот, под наслов „Разбирање и противмерки на кинеската транзиција на населението“, ја нагласува потребата за зголемување на наталитетот во блиска иднина.
Пекинг треба да обрне внимание на фактот дека наталитетот се намалува и популацијата старее побрзо, велат кинеските експерти, додавајќи дека главниот економски ривал на САД минува низ „поволни промени“ во работоспособното население, најмногу благодарение на масовна имиграција.
