Украинските сили соопштија дека руски проектил погодил деветкатна станбена зграда и одморалиште во близина на украинското црноморско пристаниште Одеса, при што загинале најмалку 17 луѓе, а десетици се ранети.
Министерството за вонредни ситуации соопшти дека околу еден час по полноќ проектил погодил зграда во градот Билгород-Дњестровски и дека, според досегашните информации, се ранети 30 лица, пренесува „Ројтерс“.
Портпаролот на регионалната администрација на Одеса, Серхи Брачук, изјави за украинската државна телевизија дека е во тек операција за спасување, бидејќи некои луѓе останале затрупани под урнатините.
„ Друга ракета го погоди одморалиштето при што загинаа најмалку три лица, меѓу кои и едно дете, а беа повредени повеќе луѓе, рече Брачук.
