Министерот за правда Бојан Маричиќ на заедничка прес-конференција со претседателот на Здружението на судиите Џемали Саити, изјави дека е постигната согласност за зголемување на платите на судиите за 15 отсто.
„ По повеќе години дебати со Здружението на судии дојдовме во фаза каде што постигнавме согласност и сериозен напредок во нашите разговори. Денес на нашата средба се договоривме дека има согласност од Владата и Здружението на судии за зголемување на платите на судиите во вкупен износ од 15%. Тоа зголемувањето ќе се одвиваат постепено, односно 10% оваа и 5% следната година“, изјави Маричиќ.
Според министерот за правда постигната е согласност разговорите да продолжат и согласно можностите да се овозможи дополнително зголемување за 5% во 2023 година, со што ќе се дојде до посакуваната цел за вкупно зголемување на платите на судиите од 20%.
