Алексис Пинтуро ја декласира конкуренцијата за да победи на велеслаломот во швајцарскиот ски-центар Адерлбоден откако беше најбрз во првото и во второто возење и победи со предност од 1,04 секунда пред Хрватот Филип Зубчиќ, кој се искачи од третото место по првото возење, а Марко Одермат ѝ го донесе првиот подиум на Швајцарија во Аделбоден по 13 години.
Условите за скијање беа фантастични во Аделбоден со температури далеку под нулата и Пинтуро го искористи тоа вторпат да го добие трофејот во форма на ѕвоно по триумфот пред четири години. Ова исто така е втора велеслаломска победа во низа за Французинот по победата во Алта Бадија пред Нова година.
Со победата Пинтуро е на 10 поени зад Одермат во велеслалом, а веднаш ќе има шанса да се искачи на првото место бидејќи утре на програмата е втора трка, првпат во историјата на Аделбоден.
> Пинтуро пак го доби ѕвоното од Аделбоден со неверојатна супериорност <
