Ниту еден странски гостин нема да биде поканет на парадата на 9 мај по повод одбележувањето на 76-годишнината од победата во Големата татковинска војна, рече Дмитриј Песков.
На прашањето дали странските лидери ќе бидат поканети на Парадата на победата, Песков рече:
„Не. Ова не е јубилејна година. Нема да бидат поканети странски гости“.
Тој истакна дека во сите други аспекти ќе има нормална постапка за поканување на гостите на парадата, но некои нијанси, како што се приближува настанот, можат да бидат диктирани од санитарните власти, пренесува руската агенција ТАСС.
