Пенелопе Круз во вторникот присуствуваше на 37. меѓународен филмски фестивал во Санта Барбара (SBIFF), настан што го прикажува најдоброто во независната и меѓународната кинематографија.
Актерката од Барселона, која годинава е номинирана за „Оскар“ за најдобра женска улога во драмата на Педро Алмодовар, „Паралелни мајки“, на себе има фустан во бургунди боја со полуотворен грб.
Изгледот го дополни со светкави обетки и драматичен кармин во боја на вино.
На настанот, шпанската актерка беше почестена со наградата „Монтесито“ за придонес во филм за нејзиното портретирање самохрана мајка во „Паралелни мајки“.
