Атина, 9 јуни 2020 (МИА) – Сопственикот на КК Панатинаикос, Димитрис Јанакопулос, објави дека е подготвен да го продаде клубот за 25 милиони евра, објави „Еврохопс“.
Откако го објави крајот на сезоната 2019/2020, Јанакопулос уште еднаш влезе во отворен конфликт со раководството на Евролигата и нејзиниот претседател Жорди Бертомеу.
Јанакопулос се закани дека грчкиот гигант ќе ја напушти Евролигата и ќе влезе во Лигата на шампионите на ФИБА.
Раководството на грчката кошаркарска федерација официјално го прекина првенството поради пандемијата од коронавирус.
Учесниците на турнирот едногласно го прифатија шампионот на земјата Панатинаикос, кој беше лидер во пласманот во моментот на запирање на турнирот.
