Во име на транспарентноста, за која секогаш ќе се залагам, уште денес, на веб страницата на Министерството за надворешни работи, е објавена едностраната изјава на Северна Македонија, која e приложена кон Записникот од правата Меѓувладина конференција, напиша на социјалните мрежи, министерот за надворешни работи, Бујар Османи.
„Македонскиот јазик е неспорен и од денес станува рамноправен во семејството на официјални јазици на ЕУ и ничија друга еднострана издвоена изјава не може тоа да го поништи“, нагласува Османи.
Во прилог ја додава Едностраната изјава на Република Северна Македонија приложена кон записникот на првата Меѓувладина конференција со Европската Унија.