Утрински Весник
Македонија

Османи и Мортон ќе го одржат првиот состанок на Советот за партнерство, трговија и соработка

Османи и Мортон ќе го одржат првиот состанок на Советот за партнерство, трговија и соработка

Министерот за надворешни работи, Бујар Османи, денеска ќе и биде домаќин на министерката за Европа и Америките на Обединетото Кралство, Венди Мортон, која престојува во работна посета на нашата земја.

Целта на посетата е одржувањето на првиот инаугуративен состанок на Советот за партнерство, трговија и соработка помеѓу Северна Македонија и Обединетото Кралство, на кој од страна на Северна Македонија ќе ко-претседава министерот, Бујар Османи, додека од страна на Обединетото Кралство ќе ко-претседава министерката, Венди Мортон.

Советот се смета за највисоко работно тело надлежно за имплементација на Спогодбата за партнерство, трговија и соработка меѓу двете земји, кој ќе ја има улогата на координатор на имплементацијата на одредбите од Спогодбата и развојот на севкупните односи меѓу двете земји. Исто така, во рамките на Советот, предвидено е министрите да потпишат и Деловник за работа, како рамка преку која ќе се одвива целосната соработка во рамките на ова тело.

Можете да прочитате

ВРЕДИ: Али Ахмети, дијаспората заслужува одговор – со каков договор ја предаде?

МЕТЕОАЛАРМ ПРЕДУПРЕДУВАЊЕ: Ни следува долг, сушен и многу топол период, опасност од шумски пожари!

Средба на Еди Рама и Али Ахмети во Скопје – „Нема поделба на европскиот пат“