Гостивар, 19 мај 2020 (МИА) – Гостиварската локална самоуправа издаде решенија за легализирање на џамии, мектеби и теќиња. Градоначалникот Арбен Таравари на прием, докумените лично му ги предаде на првиот човек на гостиварското муфтиство.
Со процесот на легализација на бесправно изградени објекти изминатиов период во општина Гостивар, беа опфатени 22 џамии, четири мектебиња и две теќиња кои се наоѓаат во градот и околните села.
Гостиварскиот муфтијата Шаќир Ефенди Фетаху искажа благодарност за соработката со локалната власт и посочи дека е горд што завршила голема работа. Покрај џамиите и другите верски објекти, легализирана е и зградата во близина на Саат кулата во која е сместено седиштето на гостиварската муфтинија. Овој објект пред изградбата со одлука на Советот на општината беше ослободен од комуналните такси. згм/рп/
