Велес, 24 март 2020 (МИА) – Поради неисправноста на водата за пиење од природната чешма во селото Сопот, а со цел задоволување на потребите за вода на жителите од селото, Општина Велес обезбеди достава на флаширана вода за пиење и канистер со вода за техничка употреба.
Доставувањето започна денеска, по заклучокот од вчерашната Седницата на Општинскиот штаб за заштита и спасување на Општина Велес.
Од Опшината информираат дека ова уследило по анализа на водата од страна ЈЗУ Центар за јавно здравје – Велес, а по што стручниот тим од Центарот предупредил дека водата од природната чешма во селото Сопот не смее да се користи за каква било намена поради енормното присуство на индикатори за фекално загадување.ад/бт/
