Германскиот канцелар Олаф Шолц изјави дека Москва сфатила дека Западот е обединет во својата решеност да воведе строги санкции доколку Русија ја нападне Украина, но рече дека ситуацијата и понатаму е напната.
„Рано е да се каже дека проблемите се решени. Тие се толку сериозни и ќе останат уште некое време, па го заслужуваат нашето внимание“, рече Шолц на прес-конференција по разговорот со данската премиерка Мете Фредериксен, пренесува „Ројтерс“.
Шолц додаде дека Соединетите Американски Држави, Европската Унија и НАТО дејствуваат заеднички по прашањето за потенцијалните санкции, кои се подготвуваат многу добро.
