Во последните 24 часа во Босна и Херцеговина се регистрирани 13 смртни случаи од коронавирус.
Така, вкупниот број нa починати се зголеми на 555 од почетокот на епидемијата.
Осум лица починаа во Федерацијата на БиХ, а пет во РС.
Во изминатите 24 часа, во БиХ се регистрирани 293 новозаразени лица, од кои 234 во Федерацијата БиХ и 59 во РС.
Од почетокот на епидемијата во БиХ, 18.117 лица заболеле од коронавирус.
Во изминатите 24 часа, во Федерацијата БиХ биле тестирани 1.526 примероци, од кои 234 биле позитивни на коронавирус.
Регистрирани се нови случаи во сите кантони.
