Во Италија нема да има нов карантин, бидејќи економијата не би можела да го издржи тоа, а прашање е дали граѓаните би можеле да поднесат повторно да бидат затворени во своите домови, пишуваат италијанските медиуми, цитирајќи политичари и економисти.
Премиерот Џузепе Конте потврди дека нема да има нов карантин, пишува агенцијата Анса.
„Ги преземаме сите мерки за да не се случи тоа и имаме развиено одличен систем за откривање и пребарување на лица заразени со Ковид-19“, рече Конте и ги повика граѓаните да ја преземат мобилната апликација „Имуни“ на нивните телефони, која овозможува да бидат откриени контактите со заразено лице.
„Тоа е морална обврска на секој Италијанец“, рече премиерот Конте.
