Холивуд се подготвува да направи уште едно патување по патеката од жолти тули со римејк на класичниот филм „Волшебникот од Оз“, еден од најславните филмови на сите времиња.
„Њу лајн синема“, единица на студиото „Ворнер брос“ од AT&T Inc, во вторникот соопшти дека развива нов поглед на приказната за Дороти и нејзината посета на Земјата на Оз, што е детално опишана во детската книга на Лиман Франк Баум „Чудесниот волшебник од Оз “ објавена во 1900 година.
Никол Касел, извршна продуцентка и сценаристка на хит-серијата на ХБО Watchmen („Чувари“) која освои „Еми“ награда, ќе го режира новиот филм, соопшти студиото.
