Скопје, 24 март 2020 (МИА) – Најголема снежна покривка до 7 часот денеска е измерена во Маврови Анови, вкупно 19 сантиметри, следи Дебар со 12 сантиметри, потоа Пожаране со 12, Штип 9, Лазарополе 8 и така натаму, информираат од УХМР.
Истовремено најниска температура денеска од минус 9 степени е измерена во Маврово, по што следат Крушево и Дебар со по минус 7 и Лазарополе минус 6.
Воедно во изминатите 24 часа до 7 часот денеска најголем воден талог беше измерен во Лазарополе, Скопје Зајчев Рид, Прилеп и Битола.
Во тек на денешниот ден времето ќе биде облачно и не многу студено со повремени врнежи претежно од снег. Дневните температури во Скопје, се очекуваат до 2 степени. оџ/аа/
