Напаѓачот кој денеска сериозно повреди полицајка во северозападна Франција бил ментално болен и радикализиран, објави француското Министерство за внатрешни работи.
Осомничениот, 40-годишен француски државјанин, се лекувал од тешка шизофренија. Покрај тоа, тој бил регистриран во терористичка база, изјави министерот Џералд Дарманин, додавајќи дека осомничениот строго го следел исламот и веќе бил агресивен кон безбедносните сили.
Напаѓачот е убиен во престрелка со полицијата додека безбедносните служби се обидувале да го уапсат, откако со нож нападнал полицајка во станица во малиот град Ла Шапел-сур-Ердре.
