Рафаел Надал се повлече од Вимблдон. Шпанскиот тенисер утре нема да игра во полуфиналето на престижниот гренслем турнир во Лондон. Ник Кирјос на тој начин веќе обезбеди пласман во финалето.
Одлуката за повлекување, за што во моментов одржува вонредна прес-конференција, Надал ја донесе по лесниот тренинг кој денеска траеше околу 45 минути.
Потоа околу 14 часот ги извести организаторите на турнирот дека нема да може да игра поради проблеми со стомачните мускули. Покрај тоа, има болки во колената и стапалата.
На тренинг, Надал можеше да одигрува форхенди и бекхенди, но не можеше да го фрли топчето за да сервира. Се обиде да ги прилагоди движењата и да го намали оптоварувањето на стомакот, но ниту тоа не помогна.
Ник Кирјос така стигна до своето прво гренслем – финале во кариерата без борба во полуфиналето.
Негов ривал ќе биде подобриот од мечот во кој Новак Ѓоковиќ игра против Камерон Нори.