„Модерна може да го заврши тестирањето на бустер дозата за новиот сој омикрон во март и да поднесе барање за одобрување во САД“, изјави вчера претседателот на компанијата.
Стивен Хоџ рече дека засилувачката доза која содржи гени кои конкретно ги таргетираат мутациите на новиот вид ќе биде најбрзиот начин да се реши проблемот со намалената ефикасност на вакцината.
Компанијата исто така работи на мултивалентна вакцина која би била ефикасна против четири различни видови на коронавирусот, вклучително и омикрон.
„Може да потрае уште неколку месеци“, рече Хоџ.
Следејќи ги упатствата на американската администрација за храна и лекови (ФДА), Хоџ рече дека процесот може да потрае три или четири месеци.
„Засилените дози на омикрон, реално, не можат да се појават на пазарот пред март, а може дури и да дојдат во вториот квартал, освен ако ФДА не ги смени своите упатства за податоците потребни за овластување“, рече претседателот на Модерна, додавајќи дека компанијата ќе започне со производство на вакцини додека трае тестирањето за да може што поскоро да им ја понуди вакцината на граѓаните.
