Рим, 5 јуни 2020 (МИА) – Лекарот на Лацио, Иво Пуличини, изјави дека играчот од средниот ред Сергеј Милинковиќ-Савиќ ќе има време да закрепне за првиот натпревар по паузата во првенството против Аталанта, што е закажан за 24 јуни.
Претходно беше објавено дека 25-годишен Србин го повреди коленото на еден од тренинзите.
– Тој работи одлично. Во принцип, целиот тим има одлично расположение. Се разбира, има проблеми, како Сергеј, но тие беа малку преувеличени во печатот. Со таков медицински штаб како нашиот, Милинковиќ-Савиќ дефинитивно ќе се врати до продолжувањето на сезоната, нагласи Пуличини.
Во сезоната 2019/20, Милинковиќ-Савиќ одигра 31 натпревар за Лацио, постигна пет голови и направи седум асистенции. зс/
