Скопје, 30 март 2020 (МИА) – Општина Аеродром денеска изврши миење на улиците околу поликлиниката „Јане Сандански“, Мичурин и Стар Аеродром.
Оттаму информираат дека од утре почнуваат со дезинфекција на сите улици кои се под надлежност на оваа општина.
– Ова е уште една од низата превентивни мерки што Општина Аеродром ги презема за заштита од коронавирусот, посочуваат од прес-службата на општината.
Инаку, Град Скопје редовно врши миење и дезинфекција на булеварите што се под негова надлежност.фф/дма/
