„Мекдоналдс“ објави дека по 30 години започнал процес на продажба на својот бизнис во Русија.
Во март, „Мекдоналдс“ ги затвори сите свои ресторани во Русија, вклучувајќи ја и култната локација на плоштадот Пушкин.
Како дел од излегувањето, компанијата очекува да забележи безготовински трошок од околу 1,2 милијарди до 1,4 милијарди долари.
„Хуманитарната криза предизвикана од војната во Украина и брзото и непредвидливо работно опкружување го наведоа ‘Мекдоналдс’ да заклучи дека бизнис делувањето во Русија веќе не е одржливо“, велат од компанијата.