Оле Гунар Солскјер ги брои последните денови како менаџер на Манчестер Јунајтед, тврдат англиските медиуми. Според овие извори, по синоќешниот пораз во Истанбул од Башакшехир (2:1), во Лигата на шампионите, клубот ги започнал преговорите со Маурисио Покетино.
Аргетискиот тренер цела година е без работа, откако лани доби отказ во Тотенхем. Наводно, само поради Манчестер Јунајтед, тој кон крајот на 2019 година ја одбил понудата од Барселона.
Јунајтед играат променливо од почетокот на сезоната, во Премиер лигата се на 15 место, а се уште се без победа на домашен терен (три порази и реми), додека во Лигата на шампионите имаат две победи и еден пораз.
Покетино има големо искуство во Премиер лигата, една сезона го предводеше Саутемптон, а пет сезони беше менаџер на Тотенхем.
> Манчестер Јунајтед ги отвориле преговорите со Покетино <
