Францускиот претседател Емануел Макрон реагираше на масакрот во Буча повикувајќи на забрана за увоз на руски јаглен и нафта, пренесува „Киев Индипендент“.
„Постојат многу јасни индиции за воени злосторства“, обвини тој.
Францускиот претседател истакна дека поддржува дополнителни санкции против Москва поради убиство на стотици украински цивили во Буча, во близина на Киев.
Макрон е лидерот на ЕУ кој разговарал со рускиот претседател Владимир Путин најмалку десет пати од почетокот на руската инвазија на Украина.
Претходно реагираше и американскиот државен секретар Ентони Блинкен.
„Силно ги осудуваме очигледните злосторства на силите на Кремљ во Буча и низ цела Украина. Ние се стремиме кон одговорност користејќи ја секоја достапна алатка“, напиша Блинкен на Твитер.
И премиерите на Јапонија и на Нов Зеланд се приклучија на меѓународната осуда на Москва откако се појавија фотографии дека руските сили извршиле злосторства врз цивилите во Украина.
Русија ги негира обвинувањата тврдејќи дека снимките се нарачка од САД и НАТО, а руските војници се повлекле од Буча на 30 март.
