На шумски пат во атарот на струшкото село Делгожда вчера бил забележан починат маж во чија близина се наоѓало неговото превртено возило.
Според информациите од МВР, станува збор за 76-годишно лице со иницијали Т. Д. од струшкото село Ливада.
Увидот на полицијата покажал дека мажот, управувајќи го возилото, изгубил контрола и излетал од патот.
МВР соопшти дека по наредба на јавен обвинител, телото било предадено на обдукција.
