Девојка од Лос Анџелес се огласи со тврдење дека била дрогирана и силувана од кинеско-канадската ѕвезда Крис Ву, кој беше уапсен минатата недела во Пекинг под обвинение за силување.
Оттогаш, повеќе од 24 жени во Кина излегоа со слични наводи, односно дека 30-годишниот Ву ги опијанувал и потоа ги принудувал на секс.
Најновото обвинување, сепак, значи дека Ву може да се соочи со кривична пријава и граѓански тужби и во САД.
Девојката од Лос Анџелес откри дека била на една од сега веќе-озлогласените забави на Ву, каде ѝ бил одземен телефонот. Таа тврди дека на забавата се делеле мали бели таблети и дека изгубила свест пред да биде сексуално нападната.
