Фудбалската суперѕвезда и неговата девојка, 27-годишната манекенка Џорџина Родригез, следната година ќе пречекаат близнаци, објави шпанскиот магазин Hola!, додавајќи дека таа моментално е во трет месец од бременоста.
Кристијано, исто така, ја потврди веста на својот Инстаграм профил заедно со фотографија на која тој и Џорџина лежат заедно во кревет и држат снимка од ултрасонографски преглед (ЕХО).
Тој напиша: „Со задоволство објавувам дека очекуваме близнаци. Нашите срца се полни со љубов – едвај чекаме да ве запознаеме“.
Џорџина ја објави истата фотографија на својот профил, со ист наслов.
Среќната двојка веќе се родители на тригодишната Алана Мартина, додека Кристијано е татко и на Кристијано Џуниор (11) и на близнаците Матео и Ева (4).
