Кристин Дејвис смета дека новата сезона на хит-серијата „Сексот и градот“ му се обраќа на современиот свет.
56-годишната актерка ја повтори улогата на Шарлот Голденблат во мини-серијата под наслов „И едноставно така …“ и открива дека ова поглавје ќе биде многу различно од оригиналот.
Во интервју за „Ентертејнмент тунајт“ таа објасни: „Нашата цел беше ова да биде следното поглавје. Тоа е нашата единствена причина да имаме поинаков наслов.“
Кристин, која повторно се соедини со Сара Џесика Паркер и Синтија Никсон за новата серија, инсистира на тоа дека ова поглавје го одразува современиот свет.
„Не сакавме луѓето да ги имаат истите очекувања кога очигледно е различно време, тоа е различна серија што зборува за сегашноста. Затоа и се вика ‘И едноставно така’.“
