Возачот на Рејсинг поинт, Мексиканецот Серхио Перез ќе го пропушти Британското ГП во Силверстоун овој викенд по позитивниот тест на КОВИД-19.
Перез не се појави на прес-конференцијата во четвртокот поради тоа што првиот тест даде неконклузивен резултат, по што остана во изолација пред вториот тест да се покаже како позитивен. Рејсинг поинт уште немаат потврдено кој ќе го замени во болидот, но планот е да имаат два болиди на стартот на трката.
„Со помош на локалните организатори во Силверстоун и здравствените власти, сите кои беа во контакт со Чеко се поставени во карантин. Процедурите на ФИА и Формула 1 ни дозволуваат брза реакција без да се влијае на целиот викенд“, се вели во соопштението на Рејсинг поинт.
Најлогична замена за него ќе биде еден од резервните возачи на Мерцедес, Штофел Фандорне и Естебан Гутиерез, кои се достапни преку договорот на Рејсинг поинт за снабдување со мотори од германскиот производител. Фандорне последен пат се тркаше во Ф1 во 2018 за Мекларен, додека Гутиерез си замина од Хас во 2016 година.
UPDATE: @SChecoPerez to miss #BritishGP weekend ⬇️https://t.co/mhOydna6ob #F1
— BWT Racing Point F1 Team (@RacingPointF1) July 30, 2020
> Корона и во Ф1! Серхио Перез позитивен, нема да се трка во Силверстоун <
