Крива Паланка, 22 мај 2020 (МИА) – Екипите на јавното претпријатие „Комуналец“ од Крива Паланка денеска работат на расчистување на наносите од кал на јавни површини и сообраќајници во Општината, по дводневните врнежи од дожд.
– Согласно програмата за одржување на јавна чистота на Општина Крива Паланка, вработени во „Комуналец“ од утринава интензивно работат на чистење на наностите од кал и песок после поројните дождови. Се расчистуваат повеќе сообраќајни површини низ градот, главна улица и останати локации, со цел непречено одвивање на сообраќајот. Истовремено, вработените од секторот за комунални дејности и чистота редовно вршат расчистување и отстранување на смет од јавните површини, се одржува хигиената во градот. Во услови на пандемија, нашето претпријатие врши и редовно перење на улиците, изјави директорот на претпријатието Миле Марковски.
Нагласи дека ЈП „Комуналец“ тековно го уредува и градскиот зелен пазар, каде неодамна беа набавени 130 тезги и дрвени куќарки, а сега се адаптира простор со настрешници за ставање во функција на новонабавените ладилници кои ќе бидат поставени на пазарот. ид/мс/
