Скопје, 8 мај 2020 (МИА) – АД ЕСМ планира да вложи напори да се прошири дејноста и обемот на работа на фирмата-ќерка ФОД-Фабрика за опрема и делови-Новаци, формирана со намена да ги задоволува потребите на РЕК Битола, најави денеска генералниот директор на АД ЕСМ, Васко Ковачевски.
Тој, како што информираат од ЕСМ, на денешниот состонок со раководството на фабриката ги разгледуваше можностите покрај услугиште што ги пружа ФОД на РЕК Битола и на РЕК Осломеј, да преземе и други работни обврски во рамките на двата комбината, како и во другите подружници на АД ЕСМ со цел да се обезбеди повеќе работа за фабриката и да ги зголеми остварените приходи, со што ќе придонесе кон намалување на вкупните трошоците на ниво на целата компанија и остварување подобри резултати.
Исто така, на работната средба се разгледуваа и проекти за различни инвестициски зафати за проширување на капацитетите на ФОД, како и воведување современи практики за намалување на трошоците на производство и за заштеда на енергија. вј/са/
