Премиерката на Финска – Сана Марин пристигна во еднодневна работна посета на Република Северна Македонија. Ја пречека премиерот Димитар Ковачевски, кој со финската премиерка ќе има тет-а-тет средба.
Премиерот Ковачевски и премиерката Марин потоа ќе им се придружат на делегациите на двете Влади на билатерална средба на која од наша страна ќе присуствуваат Бојан Маричиќ, заменик-претседателот на Владата за европски прашања, Бујар Османи, министер за надворешни работи и министерката за одбрана Славјанка Петровска.
Премиерите Ковачевски и Марин работниот дел од средбата ќе го завршат со заедничка прес-конференција.
