Мандаторот за состав на новата влада и лидер на СДСМ, Димитар Ковачевски, денеска напладне на претседателот на Собранието, Талат Џафери, официјално му ги достави предлог-составот и предлог-програмата за работа на новата влада.
„Денеска го доставив составот на новата Влада и програмата за работа на Владата до претседателот на Собранието. Имаме стабилно мнозинство, усогласена програма фокусирана на решавање на клучните проблеми на граѓаните и тим подготвен да одговори на сите предизивици“, порача Ковачевски на социјалните мрежи.
Ковачевски синоќа на прес-конференција ги соопшти имињата и ресорите кои ќе ги води неговата партија во новиот владин состав.
