Кафе-барот „Интермецо“ продолжил со работа и покрај забраната од 30 дена што ја изрече Општина Центар заради бучава.
Градоначалникот на Општина Центар, Саша Богдановиќ, објави на „Фејсбук“ дека по извршените контроли на кафе-барот „Интермецо“, вчера вечер, било утврдено истиот продолжил со работа и покрај изреченото решение и забраната за работа од 30 дена.
По извршените контроли на кафе барот „Интермецо”, вчера вечер истиот продолжил со работа и покрај изреченото решение и…
Posted by Саша Богдановиќ on Saturday, October 31, 2020
„Пломбата поставена на влезот на локалот е отстранета што согласно членот 389 од кривичниот законик, претставува кривично дело казниво со парична казна или со затвор до три години“, напиша Богдановиќ.
Тој најави дека Општина Центар до надлежните органи ќе поднесе кривична пријава за симнување на службен печат.
