Во Италија трет ден по ред рекорди по бројот на новозаразени со коронавирус – речиси 55.000 нови случаи. Италија потврди повеќе од 136.000 смртни случаи поврзани со Ковид-19 од избувнувањето.
Италија е првата членка на ЕУ која воведе сертификат за Ковид за вработените и во јавниот и во приватниот сектор, а пред неколку недели беше и прва што воведе задолжителен негативен тест за граѓаните на Унијата кои имаат сертификат за Ковид, а од тогаш уште десетици земји го направија тоа.
Владата планира наскоро да ги заостри дополнителните мерки, вклучително и намалување на времетраењето на сертификатите за Ковид од девет на шест месеци, а некои региони веќе тргнаа во таа насока – покраината Лацио воведе обврска за носење маски на отворено пред два дена.
