Најновото истражување на компанијата „Нилсен“, глобална компанија за испитување на јавното мислење, покажува дека поради мерките на ограничувања за време на пандемијата, купувањето козметички производи, шминка за лице, пред сè, драстично опадна.
Според весникот „Ил манифест“, набавката на кармини е намалена за 24 отсто на светско ниво, а продажбата на шминка за очи е намалена за 10 отсто.
Оваа разлика, според авторот на статијата, може да се објасни со фактот дека под заштитната маска, карминот на усните може да предизвика само штета, се размачкува на лицето и ја валка маската, а устата намачкана со кармин и така не се гледа.
Од јануари до јуни годинава, продажбата на кармини е намалена за цели 60 отсто, а во исто време е продадено речиси 30 отсто помалку шминка за очи отколку во истиот период минатата година.
