По повеќемесечно пребарување, „Марвел студиос“ конечно најдоа совршена sвезда за да го облече оделото на г-ѓа Марвел.
„Марвел“ – фабрика за суперхерои во сопственост на „Дизни“ – ги фрлија своите коцки и решија да ја донесе аматерката Иман Велани, која ќе го толкува титуларниот лик.
Велани ќе биде дел од претстојната серија на „Дизни плус“ во која се појавува 16-годишната муслиманка Камала Кан од Џерси Сити, Њу Џерси. Камала наликува на суперхероите како што е капетанот Марвел, па дури има и суперсила да ја менува својата форма и големина.
