Од почетокот на вакцинацијата против Ковид-19, неколку десетици илјади луѓе биле вакцинирани во Велика Британија, објави Ројтерс, повикувајќи се на изјавата на британскиот министер за здравство Мет Ханкок.
„До денес, започнавме со вакцинирање во 73 болници низ Велика Британија и десетици илјади луѓе се вакцинирани“, рече Ханкок на прес-конференција откако Маргарет Кенан, 90-годишен Британец, стана првата личност во светот што примила одобрена вакцина од Физер и Бионтек.
Велика Британија е првата западна земја што започна со масовна вакцинација на населението.Вакцината се прима двапати, а од првиот до вториот круг за вакцинирање треба да поминат три недели, потсетува Ројтерс.
Велика Британија, со 67 милиони жители, регистрираше 1,78 милиони заразени и околу 63 000 починати од почетокот на пандемијата и е најпогодена европска земја според вкупниот број смртни случаи од инфекција со коронавирус.
